**Дэффи-Хеллманы түлхүүрийг тайлах бодлого** Амар, Бат хоёр утсаар ярихдаа гадны этгээд тэдний яриаг сонсохоос сэргийлж нууц тоо сонгон хэрэглэхийг хүсчээ. Эхлээд Амар, Бат нар хоёулаа мэдэх дараах чанартай `a <= 256` бүхэл тоог сонгоно: `1 <= i <= 256` хувьд `R_257(a^i)` утгууд бүгд ялгаатай ба `R_257(a^256) = 1` байна. Энд `R_257(t)` нь `t` тоог `257`-д хуваахад гарах үлдэгдэл, ө.х `t = R_257(t)(mod 257)` байна. Тэд хоорондын яриагаа нууцлахдаа дараах алхамаар гүйцэтгэнэ: - Амар `x <= 256` эерэг бүхэл тоог нууцаар сонгосон бол Бат `y <= 256` тоог нууцаар сонгов. - Амар Бат нар өөрсдийн тоонуудыг харгалзан тооцсоны дараа Амарын тоо `R_257(a^x)`, Батын тоо `R_257(a^y)` болно. Уг тоонууд нийтэд ил байх юм. - Эдгээр тоонуудаа харилцан бие биедээ дамжуулна. - Тэдний яриагаа нууцлах дундын нууц тоо нь өөрсдийн нууц тоонууд `x, y`–ийг ашиглан тооцсон `R_257(a^(xy+1))` утга болно. Тэгвэл `a = 5`, `R_257(a^x) = 16`, `R_257(a^y)=248` тохиолдолд тэдний дундын нууц тоог ол.